Кафедра тарихы

Кардиохирургия курсы 2010 жылдың мамыр айында, үздіксіз білім беру орталығында “кардиохирургия, анестезиология, реаниматология және ультрадыбыстық диагностика” курстарымен бірге, “хирургия” кафедрасының құрамында ұйымдастырылды. 2013 жылы С. Д. Асфендияров атындағы, ҚазҰМУ-нің Ғылыми Кеңесінің шешімімен курс жүрек-қан тамырлары хирургиясы кафедрасына айналды.

Кафедраның алғашқы меңгерушісі Егембердиев Төлеген Жанылбекұлы — медицина ғылымдарының докторы, жүрек-қан тамырлары хирургиясы бойынша жоғары біліктілік санатты хирург-профессор. Т. Ж. Егембердиев ғылыми-практикалық қызметтің 40 жылдан астам уақытын жүрек-қан тамырлары хирургиясының өзекті мәселелеріне арналған. Бүкілодақтық және республикалық ғылыми тақырыптардың жауапты орындаушысы және жетекшісі болды. Ол жүрекке, қолқаға, магистральды артерияларға және тамырларға реконструктивті-қалпына келтіру операцияларының жаңа түрлерін әзірлеуге және енгізуге белсенді қатысты. 1979 жылдан бастап, Т. Ж. Егембердиев ұсынған жаңа типтегі тамыр биопротездері, аорта және магистральдық артерия ауруларын хирургиялық емдеуде, сондай-ақ бүйрек аллотрансплантациясында, Қазақстан Республикасында ғана емес, одан тыс жерлерде де кеңінен қолданылады.

Қазіргі уақытта кафедра меңгерушісі-Кодасбаев Алмат Тұрысбекұлы, медицина ғылымдарының кандидаты, профессор.

Профессорлық-оқытушылық құрамға 2 профессор, 3 доцент, 4 кафедра ассистенті кіреді.