Кафедра тарихы

№3 Жалпы дәрігерлік тәжірибе кафедрасы диагностика,емдеу және ауруды басқарудың жаңа тәсілдерін меңгерген және үздіксіз өзін-өзі жетілдірумен айналыса алатын,заманауи талаптарға сәйкес келетін жалпы тәжірибелік дәрігер (отбасы дәрігері) мамандарын дайындауды өз мақсатына қояды.

Кафедра тарихы 1986 жылдан бастау алады,ең алғаш кафедраны  доцент Н.К. Тузельбаев басқарған. 1987 жылдан 1993 жылға дейін кафедраға м.ғ.д.,профессор Г.И.Белоскурская жетекшілік еткен. 1994-2000 жылдары кафедра меңгерушісі м.ғ.д.,профессор Р.С.Бегимбетова болды. 2009 жылдың қыркүйек айынан кафедра атауы жалпы тәжірибелік дәрігерлерді дипломнан кейінгі дайындау кафедрасы болып өзгертілді және сол кезден 2011 жылға дейін кафедраны м.ғ.д.,профессор А.Ш.Сейсембаев басқарды.

2011 жылдың сәуір айынан кафедрада м.ғ.д.,профессор Култаев М.С. жетекшілік етті. 2012 жылы Оқу Кеңесі шешімімен  жалпы тәжірибелік дәрігерлерді дипломнан кейінгі дайындау кафедрасының аты өзгертіліп, №1 ЖТД интернатура және резидентура кафедрасы болып аталды, ал 2018 жылы –№3 жалпы дәрігерлік тәжірибе кафедрасы болып ауысты.

2018 жылдан бастап кафедраға м.ғ.к. Жуманова А.К.жетекшілік етеді. Кафедраның клиникалық базалары ШЖҚ МКК ҚЕ №3,ҚЕ №1, №11, №18, №15, №16, №23, №24, №30, ҚЕ ҰОС және «Авиценна» МО орналасқан.

Қазіргі таңда кафедрада 6,7 курстің интерндері және 5 курс студенттері білім алуда.Оқу үрдісі студенттердің халықаралық заманауи ұсынымдарын меңгеріп,оны тәжірибе барысында қолдана білу қабілеттерін ұштауға бағытталған. Кафедра қызметкерлері интерндермен бірге клиникалық талдауларға,клинико-диагностикалық бөлімнің консультацияларына,семинар,тақырыптық талдауларға қатысады. Интерндер күнделікті емханаға келген науқастарды қарауда тәжірибелік дағдыларын шыңдайды,ғылыми-тәжірибелік конференцияларды ұйымдастырады және қатысады.Оқу үрдісінде оқытушылар студенттерді максималды қамту үшін жаңа инновациялық қадамдарды қолданады.Кафедрада студенттердің студенттердің ғылыми-зерттеу жұмыстары жүргізіледі.СҒЗЖ отырысы ай сайын өткізіледі

Кафедраның ғылыми-зерттеу басымдықтары: кардиология;қант диабеті, артериальды гипергензия,жүрекше фибрилляциясы, созылмалы жүрек жеткіліксіздігі секілді түрлі жұқпалы емес созылмалы аурулардың адам өмірі сапасына және психоәлеуметтік статусына әсерін зерттеу

Қызметкерлер сонымен қатар клиникалық және емдік жұмыстарды да қоса атқарады, консультациялар, консилиумдар, клиникалық талдаулар, науқастар курациясын жүргізеді. Сондай-ақ кафедра қала емханаларында орналасқан өз базаларында ғылыми-тәжірибелік конференциялар өткізеді.

Кафедрада 20 оқытушы жұмыс жасайды, оның ішінде медицина ғылымдарының 1 докторы және 8 кандидаты,жоғары категориялы 11 ассистент бар.